پاکستان اور بھارت کے کئی شہروں میں زلزلے کے شدید جھٹکے

 اسلام آباد سمیت ملک کے کئی شہروں  میں زلزلے کے شدید جھٹکے محسوس کیے گئے ہیں۔

زلزلے کے جھٹکے لاہور ملتان، فیصل آباد، میانوالی، حافظ آباد، ٹوبہ ٹیک سنگھ، گجرات، سرگودھا ، بھکر، کمالیہ، خانیوال، بھلوال، چنیوٹ، اور جھنگ میں محسوس کیے گئے۔

زلزلے کے جھٹکے ساہیوال، چیچہ وطنی، بورے والا، پھولنگر، حجرہ شاہ مقیم، شاہکوٹ، سانگلہ ہل، تلہ گنگ اور چکوال میں بھی  محسوس کیے گئے۔

خیبر پختونخوا میں پشاور، شمالی وزیرستان، ڈی آئی خان، لکی مروت، سوات، شانگلہ، بونیر، لوئر دیر، ملاکنڈ، ٹانک اور چترال میں بھی زلزلے کے جھٹکے محسوس کیے گئے۔

زلزلے کے خوف سے   عوام گھروں اور دفاتر سے کلمہ طیبہ کا ورد کرتے باہر نکل آئے۔

زلزلہ پیما مرکز کے مطابق زلزلہ  دوپہر 12 بج کر 28 منٹ پر آیا جس کی شدت 5.7 اور زیر زمین گہرائی 10 کلومیٹر ریکارڈ کی گئی، زلزلے کا مرکز ڈی جی خان کے قریب تھا۔

 پاکستان کے علاوہ  بھارتی دارالحکومت نئی دلی کے علاوہ اترپردیش، ہریانہ، بھارتی پنجاب اور مقبوضہ کشمیرمیں بھی  زلزلےکے جھٹکے  محسوس کیے گئے۔