 |
| فوٹو: سکرین شاٹ |
جمعہ کو لبنان کے دارالحکومت بیروت میں اسرائیلی حملے سے حزب اللہ کے سربراہ حسن نصر اللہ شہید ہو گئے تھے ۔
اسرائیل نے لبنان کے حزب اللہ کے جنرل سیکرٹری حسن نصر اللہ کو شہید کئے جانےکی اہم تفصیلات جاری کر دیں۔
ہفتے کو حزب اللہ نے اپنے سربراہ کی شہادت کی تصدیق کرتے ہوئے کہا کہ اسرائیل کے خلاف جنگ ابھی جاری رہے گی، غزہ اور فلسطین کی حمایت، لبنان کی حفاظت کی کے لئے اپنا جہاد جاری رکھیں گے۔
میڈیا کے ذرائع کےمطابق اسرائیل کے بریگیڈیئر جنرل امیچائی لیون نے حزب اللہ کے سربراہ کو شہید کیے جانے کی اہم تفصیلات جاری کیں۔
انہوں نے بتایا کہ جنگی طیاروں نے لبنان کے دارالحکومت بیروت میں 100 اقسام کے بارود برسائے اور ہدف کو نشانہ بنایا گیا اور ہر 2 سیکنڈ کے بعد گولہ باری اسی نشانے پر کی گئی۔
ان کے مطابق ٹھوس خفیہ معلومات نے سب سے اہم کردار ادا کیا اور دوسری خاص بات یہ تھی کہ جب طیارے ہدف کی جانب بڑھ رہے ہوں تو حسن نصراللہ اور ان کے ساتھی بچ نہ سکیں۔
اسرائیل کے بریگیڈیئر جنرل نے بتایا کہ 11ماہ سے تمام پائلٹ الرٹ تھے اور پروازیں نہ صرف جاری ہیں بلکہ جنگ کے اختتام تک جاری رہیں گی کیونکہ کام ابھی مکمل نہیں ہوا۔ ابھی حماس کو جڑ سے اکھاڑنا باقی معاملات بھی ابھی رہتے ہیں ۔
جمعہ کو لبنان کے دارالحکومت بیروت پر حملے میں 33 لبنانی شہری شہید اور 195 زخمی ہوگئے تھے اور آج بھی بیروت پر گولہ باری اور حملےجاری ہیں۔
تحریر کے بارے میں اپنی رائے بھیجیں